মুখ্য পৃষ্ঠা
06/04/25
14:29
বসন্তৰ চিঠি
__ ৰাজু কলিতা
চকুলোৰ চিয়াঁহীৰে লিখিচো বসন্তৰ চিঠি
তেজেৰে কৰিম ৰং ;
দি যাম বসন্ত উপহাৰ তোৰ বাবে
নকৰিবি চেনাই অজানিতে খং !
চিনাকি ঠিকনা তোৰ সেউজীয়া কুঁহিপাতত
লিখিচো
আঁকিছো তোৰ দুটি ওঁঠৰ হাঁহি ;
আজীৱন প্ৰতিশ্ৰুতিত মাগিলো বিদায়
ফুল ৰওঁক পদুলিত বসন্তৰ কপৌ পাহি !
মনত পৰিলে মাথো এবাৰ আকাশলৈ চাবি
ৰক্তবীজৰ দৰে নহয় বিষাদ ;
নালাগে থাকিব ৰৈ-পাল তৰা নাওঁ লৈ
উলটি আহিব নোৱাৰো তোৰ চিঠিৰ
আশাত !
28/08/14
